Shillong, Risaw 05: Ka Khasi Author Society hadien ba la lah ban pynlong ia ka National Seminar halor ka ktien Khasi ha nongbah Delhi da ka jingangnud ba kan ioh rung noh ha ka khyrnit ba phra jong ka riti synshar ka ri India.
Ka seng kala shim ia ka rai na ka na ka bynta ban pan jingshai na ka ophis jong u union home minister ka sorkar kmie halor ka dorkhas ba la aiti ha u Amit Shah ha ka 21 tarik kylla lyngkot jong u snem 2021.
Haba ia kren bad ki lad pathai khubor u Professor DRL Nonglait uba dei u President jong ka Khasi Author Society ha ka por ba aiti ia katei ka dorkhas ki khlem ioh ban ia kynduh mar khmat hyrei ha ka 24 tarik u bani Naitung 2024 kila ioh ban kynduh mar khmat bad u Amit Shah ha ka jingdon ang ryngkat bad u Conrad K Sangma uba dei u myntri rangbah ban pynsngew biang halor ka ktien Khasi.
U Professor DRL Nonglait u la pyntip ba ka rai ba la shim ban pan jingshai n aka ophis jong u Amit Shah kadei namar ba wat hadien ba la ia kynduh haduh mynta ka KAS kam shym pat la ioh satia ia ka jubab, ba hato ka jingdawa ia ka ktien Khasi kala don hangno.
Shuh shuh u Frofessor Nonglait u la ong ba ka sorkar kmie ba mynta kadei ban shim noh mardor ia ka sienjam ban wanrah noh ia ka aiñ rew (bill) ha ka sien shong parliament ka ban sa long.
“Ka KAS kan ap i aka jubab na ka sorkar kmie hapoh ka por ba la dawa bad kata kan dei shwa ban shong ka dorbar parliament bad lada jia ym sei soh ka jingdawa, ka KAS kan sa shim da kiwei ki lad ban pynlong ia ka jingiakhih” ong u Frofessor Nonglait.
