Shillong, Jymmang 05: Ka Jaintia National Council (JNC) Central Executive Committee hapoh ka jingialam jong u General Secretary bah Wanshwa Suting kala leit ban pan jingshai ryngkat bad ka jingthoh sha u Secretary Executive Committee ka JHADC ka madam B. Bamon ha kaba iadei bad ka kam kur kam jait hapoh ka jingpeit ka council.
Kane kala wan bud hadien ba ka JHADC ka la mynjur ïa ka thup ba ar jong ka ban ithuh ïa ki jait kur kum ki trai ri trai muluk ha ka ri Jaiñtia (Ri Jaiñtia), ka JHADC hadien baka la pynrung ïa ki jait kur jong kiwei pat ki jaitbynriew bapher bapher kum ki Biate, ki Karbi, ki Hmar, bad kiwei kiwei ki jaitbynriew ki bym dei ki na tynrai jong ngi.
Jaiñtia tang naka daw baki lah shong slem, bad Kane ka jingleh jong ka JHADC kalah ban don ka lad ban wanrah ïa ki jingeh bad jingkulmar kaba khraw hadien habud haki pateng ban wan hapoh ka Ri Jaiñtia.
Haba iakynduh bad iakren bad ka madam B. Bamon, ka la kubur ia kane kum ka mat kaba sngewkhia eh shibun. Bad ka seng ka kyrpad tyngeh ia ka ophis jong ka JHADC ban pynshai ia kine harum:
Kiei ki seinjam bad ki jingpynshisha kaba ka JHADC ka la shimkhia ban pynbna iakine ki jaitbynriew, kiba la shah pynrung ha ka thup jong ki kur ka Ri Jaiñtia kum ki nongshong shnong trai ri kiba hap hapoh ka jingpeit jong ka JHADC, khamtam kito ki jaitbynriew kiba la buh kyrteng kiba ong kiwei ki jaid.
Kane ka rukom leh Jong ka JHADC ban ithuh ia kine ki jait kur jong kiwei pat kijaitbynriew riewlum hapoh ka thuo Jong ki kur ka Ri Jaiñtia, kaba long trai daki Pnar, khasi kan ktah ne em iaka hok long tria Jong ki trai ri ha baroh arliang.
Kiei ki lad iada baka JHADC ka pynkhreh naka bynta ban iada iaka hok long trai ki trai ri trai muluk kiba dei u Pnar, khasi, khamtam hakaba iadei bad ka bhah thungkam thungjam.
Ka JNC kam lah ban pdiang ba ïa ki jaitbynriew Biate, Karbi, bad kiwei kiwei ki jaitbynriew riewlum ban kheiñ iaki kum ki jaitbynriew tynrai shnongha ka Ri Jaiñtia, namar ka histori jong ki Jaiñtia ka pyni shai ba ngi ïapher bak-la bak na kine ki jaitbynriew, Naduh ka riti dustur, ka Ktien thylliej bad ka riam ka beit.
Namar kata, ka JNC ka dawa thikna ia ka jingpynshai na ka JHADC: “Kiei de kita ki trai ri trai muluk (Khon ka Ri Jaiñtia) kiba long shisha kita ki trai kiba bat ia ka hok jong ka khyndew ka shyiap hapoh u pud u sam jong ka JHADC.
“Ngim don kano kano ka daw, ka jingwit ne jingthut bad kiwei pat ki JAIDBYNRIEW riewlum kiba don bad sah slem hapoh ka Ri Jong ngi, hynrei ngi donkam ruh ban pynneh pynsah iaka hok long trai ka jong ngi, ka hok Jong ngi naka bynta ka lawei ka jaitbynriew Jong ngi”
Ka JNC ka kyntu ia ka JHADC ban jubab ia kane ka shithi “hapoh 14 sngi” naduh ba la ioh pdiang. Lada ka JHADC kam lah ban jubab hapoh kane ka por, ka JNC kan hap ban shim da kiwei pat ki sienjam bad ki kam katkum ba ka sngewdei, pynkut u bah Wanshwa Suting, General Secretary JNC CEC.
