Shillong, Nailur 07: U General Secretary jong ka party BJP u Nalin Kholi ba dei peit ia ka jylla Meghalaya mynta ka sngi u la pynshai ba haduh mynta pat don ki MLA Congress ban leit ia kynduh ia u.
Haba kren ha ki lad pathai khubor mynta ka sngi halor jingkylli ba kila don ki MLA Congress kiba kwah ban pyniasoh sha ka BJP, na ka liang jong u tei u nongialam ka BJP u Nalin Kholi u ong ba haduh mynta ym pat don ki MLA na ka party Congress ban ia kynduh ia u.
Ha ka juh ka por u la ong ba lada ki wan ka party ka pdiang sngewbha bad katkum ka lynti ka jingiakynduh ka dei bna long shuwa bad ki nongialam ka party ha ka jylla bad ha dien kata kin sa ia kynduh ia ki nongialam jong ka party.
U Bah AL Hek u ba la don lang u la iathuh ha haduh mynta kila don 8 ngut ki MLA na ka seng Congress kiba la ia kynduh ia u hynrei namar ba kim pat kot ia ka jingbun briew kane ka jingiakren la shah teng.
