Shillong, Jylliew 28: Ka long kaei kaei kaba ym sngewlhah shuh ban mutdur ba ki riew sniew kila rung haduh phyllaw iing ban bom klep ia u Bah Rishan Rapsang ha phyllaw iing jong u ha Jaiaw Langsning ha ka miet sngi balang ha duh bad a mynsaw ha kane ka jingjia kaba sngewsih.
U Bah Stephan Rynajah SP City u la iathuh ba na ka liang jong ki pulit kila ioh ia ki video kiba la don hapoh jong ka CCTV bad mynta ki dang bishar bniah ia ki, haduh mynta ka sngi ki pulit kim pat ioh kem ia kine ki runar kiba la leh ia kane ka kam sniew.
Kiwei pat ki lad khubor ki iathuh ba kumba ka paw na ka video kiba la ioh rung lyngba ka CCTV, ka long ba u wei u runar u ba la ap lypa ha phyllaw iing jong u Bah Rishar bad mar ia plie ia ka khyrdop mar ia rung u Bah Rishan u la tied da ki kynjar nar bad u bah Rishan u la kyllon ha shen.
Na ka liang jong u runar u ba la nud ban ap ha phyllaw iing u la shim ia ka pla kaba kit u Bah Rishan bad phet bad na katei ka jaka. Na ka liang jong ki pulit kila pynlong ia ka jingthwet ia une u runar ban ioh kem ia u.
