Shillong, Iaiong 21: U Myntri Rangbah ka jylla u Conrad K Sangma mynta ka sngi u la pyntip lyngba ka Twitter ba ha ka jingleh burom ha nongbah Delhi ia ki nongialeh laitluid kiba bun na pdeng ki kyntthei kaba la paw kyrteng ka dei ka Phan Nonglait na kane ka jylla Meghalaya.
La ithuh ia ka kum ka nongialeh laitluid kaba jar jar kaba la ai ka jingkyrshan ia ka u Syiem jong ka Hima Nongkhlaw u Tirot Singh ha ka jingiakhun pyrshah ia ki shipai phareng, kane kala paw ha ka jingleh burom kaba dang shukut ha nongbah Delhi ba la tip kum ka Amrit Samagam ia kaba la pynlong da ka tnad pynneh pynsah riti dustur ka sorkar pdeng.
