Shillong, Nailar 30: Mynta ka sngi u myntri rangbah ka jylla u Conrad K Sangma u la wan rah hapoh ka iing dorbar ia ka Meghalaya Appropriation (No. IV) Bill, 2024 ha kaba ka iing dorbar kala pdiang ia kane ka bill.
Da ka jingpdiang ka iing dorbar ia kane ka Bill, ka iing dorbar kala pynlait ia ka pisa kaba T.565,04,83,063/- tyngka ban pynlut ha kito ki tnad sorkar kiba la kdew ha ka jingpan pisa shu ha kane ka snem mang tyngka 2024-2025 ka ban kut ha ka 31 Lber 2025.
Ia kane ka pisa kaba la pynlait da ka iing dorbar mynta ka sngi la shah ia ka sorkar ba kan sei ia katei ka pisa na ka ‘Consolidated Fund ka sorkar Meghalaya’ bad kane ka jingpyndon kam ia ka pisa kan long ha kane ka snem mang tyngka 2024-2025.
Kane ka pisa kaba la pynlait da ka iing dorbar ka long na ka bynta ki tnad sorkar bapher bapher kiba la kdew kaba la wanrah da u myntri rangbah ka jylla ha kaba ia dei bad ka jigpan pisa ia kaba ka iing dorbar kala ai ka jingmynjur.
