Shillong, Naiwieng 29: U MLA jong ka Congress u bah Ronnie V Lyngdoh mynta ka sngi u la pdiang burom ia palat 500 ngut ki briew kiba la pyniasoh sha ka party Congress ha ka jingialang kaba la long ha Congress Bhavan Shillong.
Kine ki 500 ngut kiba la pyniasoh sha ka party Congress ki dei ki nongialam jong kiwei ki party, kiba la mih na ka Voice of The People Party, (VPP), kiba na party National People’s Party (NPP) bad ka United Democratic Party (UDP).
Kane ka jingpyniasoh jong ki ka long ka jingioh mynsiem ia ka party Congress haba kala kynduh ia ki jingeh naduh ka jingphet noh ki MLA, ka jingshah rem ha elekshon shiteng samoi ha Gambegre, kane ka jingwan na kiwei ki party kala ai mynsiem ia ka party.
U bah Ronnie V Lyngdoh MLA u la pdiang burom ia ki sha ka party ha ka jingdon lang u u Vice President u bah PN Syiem, ka Working President ka Debora Marak ha ka jingialang ha Congress Bhavan, Shillong.
U bah Ronnie V Lyngdoh MLA, u la pynpaw ia ka jingsngewkmen ba ki paidbah kila sdang ban phai khmat sha ka party Congress, halor ka nongrim ba ka don ia ka nongrim kaba shai, ba du PN Syiem la bun jur ia ka jingdon kinongkit kam kiba don ia ka jingkit khlieh ban rah ia ka jylla ha ki kam pynroi.
Ha kane ka jingialang pynkynmaw ba ki paidbah ka jylla ki kyrshan ia ka Congress naduh ba dang ioh ia ka jylla, da ka jingsngewsit bad ka jingkitkhlieh bad na ka liang jong ka MPCC ka don ka jingshaniah ba ki paidbah kin ai biang ia ka jingkyrshan.
