Shillong, Nohprah 22: ka iing dorbar jong ka Khasi Hills Autonomous District Council (KHADC) kala pdiang ia ka jingpynylla ia ka KHADC(Khasi Social Custom Lineage) (Amendment) Bill 2023.
Haba ia dei bad kane ka Bill u nongialam ka liang pyrshah u bah Titosstarwell Chyne MDC ka UDP u la wan rah ia ka jingkwah ban pynkylla ia ka Ktien “Registrar” da ka ktien “Record ne Recoder” ha ka kyndon kaba 3 jong bynta y.
U bah Martile N Mukhin MDC jong ka HSPDP ruh u la wanrah ia kane ka juh ka jingkwah ban pynkylla ia ka ktien “Registrar” da kaba buh ia ka ktien “Record lane Recognition” namar ban phah register ia ka jaid u la ong ba u sngew iahap.
Na ka liang u Deputy CEm u bah Pynshngian N Syiem ba die peit ia ka tnad ain la pynshsai ba ba don kam ban buh ia ka ktien registrar ha ka ain bad ia ka jingpynbeit yn sa buh h ka Rule namar ha dien ka ain kan don ka rule.
Katkum kane ka Bill kaba la pdiang da ka iing dorbar mynta ka sngi ka long ba, ynda la ioh iak a jingmynjur jong u Lat ka jylla bad kane ka Bills kan kylla ain, baroh ki seng kur bad ki dorbar kur kihap ban leit ban register ia lade hapoh ka KHADC.
