Shillong, Lber 17: Ka jingialang ka Kabinet mynta ka sngi kala shim ia ka rai ban pynkiew noh ia ka tulop jong ki nonghikai Lower Primary na ka T.12000 tyngka sha ka T.18000 tyngka shibnai, na ka bynta ki nonghikai kiba donha ki 710 tylli ki skul ha ka jylla Meghalaya.
Ka sorkar kan hap ban pynlut tam sa T.5.11 klur tyngka ha ka shisnem na ka bynta kiteiki nonghikai kiba ioh ia ka jingiarap na ka sorkar Meghalaya, ka jingdawa jong ki nonghikai ban pynkiew iaka tulop jong ki ka dei kaba shong nongrim.
Haba ia dei bad ka rai jong ka Kabinet ban pynkyllanoh ia ka Captain Williamson Sangma Technical University Tura, 2011 sha ka Captain Williamson Sangma State University, ka sorkar kan sa wanrah ia ka jingpynkylla ia ka ain ha kane ka dorbar mang tyngka kaba mynta.
Kane kan long ka skul bah kaba nyngkong kaba ka sorkar jylla kan sa pyniaid bad ki jinghikai ha kane ka skul bah kan long ka Arts, Commerce bad General Sciences, Enginerging, lives Sciences Technology.
Kaba sah mynta ka long ba ka sorkar jylla kan hap ban tei ia ki iing ki sem ban sdang ia kane ka skul bah bad kan hap ban thung sa ia ki nongtrei ki nonghikai ha katei ka skul bah kaba ka sorkar kan sa sdang pyntreikam.
