Shillong, Risaw 18: U bah Paul Lyngdoh myntri kabinet la iathuh ba baroh la iatip ba ka don ka ain jong ka sorkar pdeng kaba la pynlong ain ha u snem 2014 ia kaba la tip kyrteng kum ka Street Vendors (Protection of Livelihood and Regulation of Street Vending) Act, 2014, halor kane ka sorkar jylla kala shan ia ki rule ha u snem 2022 da ka sorkar jylla.
Ha dien bala shna ia kine ki rule ia kane ka rule la tip kum ka Meghalaya Street Vendors Scheme 2023 bad ka sngi ha kane ka jingialang ka kabinet kala pdiang ia ka ha ryngkat ki jingpynkylla kato katne, ka jingthmu jong ka sorkar ka long ban hap ban peitlang na baroh ar liang.
U Myntri u la ong ba ka sorkar ka hap ban peit, ba ki nongdie madan kin ioh ia ka lat kamai bad hap ruh ban peit ba kan don ka shongsuk shongsain, ka jingkhap ngiah bad ka jingshngian ia ki nongleit nongwan, ka jingpluh ding dang shen kala kren shai ba ka jingdon ki nongdie madan kala pynwit.
Haba kren kyllum u myntri u la ong ba kane ka kren shaphang ka Town Vending Committee ki ban don ia ka bor ban ai ia ka jingithuh mano u ne ka nongdie madan bad ki don ki kyndon bad kwei na ki kyndon ka long ba u ne ka hap don ia ka dur thep vote kaba la ai da ka election commission ka Ri India.
Kawei pat ka kyndon ka long ba dei ban don ia ka syrnot ba la shong lai snem ha Meghalaya bad u nongdie madan u la dei ban die jingdie ha ka juh ka jaka ban nym duna ia ka hynriew bnai bad kaba lai u dei ban don ia ka Trading License lada u dei jingjia sha ki jaka ba dei sha bar jong ka jingpeit ka municipal Baord.
U myntri la iathuh ruh ba ka sorkar kala ioh shibun ki jingai jingmut halor kane kum na ka KHADC, KSU, Synjuk ki Rangbah Shnong, Hawkers Association , mynta ka sngi ha dein ka jingiakren kaba la bniah bha ka kabinet kala pdiang ia kane.
Kaba sah mynta ka long ban peit ia ki jaka kano ka jaka balah ban die madan bad kano ka jaka ban nym shah ban die madan bad ban pyniaid sha khmat ia ki aplokoshon halor kine ki nongrim bala pynbna. Ka sorkar kan ialeh ban pynioh ia ki jaka die madan bad ia ka iew na ka bynta ki nongdie madan.
