Shillong, Nohprah 09: U myntri rangbah ka jylla u Conrad K Sangma la ong ba ha ka jingialang jong ka kabinet kaba la long mynta ka sngi kila ia kren ia ki khatwei tylli ki phang kiba la ia kren ha ka jingialang mynta ka sngi.
Ha kane ka jingialang ka kabinet kala shim ia ka rai ban ha kaba ia dei bad ka jingpyniaid bad ban sumar ha kaba ia dei bad ka iadei bad ka jingpynpoi ia ka umbam umdih sha ki nongkyndong lyngba ka skhim JJM ha ka jylla.
Kumba ia tip ba ka skhim JJM ka dei jong ka sorkar pdeng ha kaba palat hajar klur la shna ia ki jingtei ban pynpoi um ha kylleng ki bynta jong ka jylla,ka long kaba don kam ba ha ki por ban sa wan hap ban sumar ia ki bad ka sorkar pdeng kala btah ba don kam ban sumar ia ki.
Haba ia dei bad ka jingsumar ia ki, kin don kawei ka bynta ban sumar ia ki top um bad kawei ka bynta ban sumar ia ki pipe um kiba pynpoi um sha ki long iing long sem ha ki shnong ki thaw, kane kan long kaba khraw bha.
Ka sorkar kala wanrah ruh ia ka jingpynkylla ia ka “Meghalaya Street Vendor Protection of livelihood bad Regulation Street Vending Rule” 2022 kane ka long ban don ia ka kommittee kan long na ka bynta shisnem kumta la pynjlan shuh haduh ba kan da lang ka elekshon, kane ka committee kan treikam haduh ban da dep ka elekshon.
Ha kane kajingiakynduh mynta ka sngi ka kabinet kala rai ban pynjlan ia ka aiom treikam jong ka kong B. Giri iaka por treilang jong ka ha ka Meghalaya Human Right Commission namar ka por jong ka san snem kala kut hynrei namar ba ka dang dap 67 snem namar ka rule ka shah haduh 70 snem kumta la pynjlan ia ka jingtreikam jong ka kum ka dkhot.
Kawei pat ka rai ka long ba ka kabinet kala pdiang ban pynkylla ia ka Mehghalaya State Investment Promotion Felicitation Act, ha kane ki don ar bynta kawei mynshuwa ka don ka Meghalaya Agency kaba khlieh da u myntri rangbah ka jylla bad kane ka long ban ailad ia u myntri rangbah ka jylla ban shimrai ia ki skhim bad ban ai jingiarap ba kyrpang palat T.100/- klur kiba wan seng kam hynrei kane ka long ba pdiang ruh da ka kabinet.
Ka jingpynkylla hangne ka long ba ka IMA kam ioh ban thied jaka, hynrei mynta la shah ba kan thied jaka ba kan dup lah ban ai jaka lada don kiba kwah ban wan seng kam kane ka long ba ki shu pynkylla ia ki kyndon ban ailad ia ka IMA ban thied jaka.
Kawei ka ka dei ka rai ha kaba ia dei bad ka “Governor Civil Defence Medal” na ka bynta ki pulit ka jylla Meghalaya, hynrei namar kam don ia kiba phong uniphom naka bynta ki Home Guard bad Civil Defence kumta la wanrah ia kane ka jingpynkylla ba ki ruh kin ioh lang.
