Shillong, Nohprah 20: U Chief Executive Members jong ka Khasi Hills Autonomous District Council u bah Pyniaid sing Syiem mynta ka sngi ha ka jingsdang ia ka Dorbar Tlang u la wan rah ban shim ia ka rai ha poh ka iing dorbar ha ka ba iadei bad ka jing wanrah ia ka jingpynkylla ne ka amendment ha lor ka Schedule Tribe order 1950.
Haba kren halot kane ka jingwanrah ia ka rai hapoh ka iing dorbar u bah Pyniaid u la ong bala don kam ban thoh sha ka sorkar Jylla bad kumjuh ruh sha ka Sorkar pdeng ha ka ba iadei ban don noh ka jing pynkylla ha riti synshar kham tam ha kaba ia dei bad ka ST order1950.
Ka jingdon ki riewlum ha kane ka jylla ki dei ban long beit thik tang ki riewlum na Meghalaya ki dei ban ioh ban long kita ki ST ba pura ka Jylla Khlem da Kynthup pat ia kiwei Ki riewlum na kiwei pat ki jylla.
Haba ia shim bynta ha kane ka jingiakren na ka liang u nongialam ka liang pyrshah u bah Titosstarwell Chyne u la pynpaw ka jingsngew kmen ia ka Executive committee kaba la ialam da u bah pyniaid Syiem ka ba la shim khia ha ka ban wanrah Ia kane ka rai hapoh iing dorbar.
U la ong ba na kaliang jong u, u da sngew khia eh ha ka ba kiwei pat ki riew lum (ST) ki lah ban ioh ban thied jaka ha kane ka Jylla. u laong ruh ba bun na ki ST ki ba dei na ki riewlum kim lah ban leit thied jaka sha kiwei pat ki jaka riew lum.
Ha ba ia shim bynta hakane ka jing iatai na kaliang u bah R V Lyngdoh u la ong ba ka jing pyn ia khleh ia ka resolution ba la wanrah da u CEM bad ka jing khang lad ban ioh ia thied jaka ha ka Jylla ka lah ban wanrah ia ka jingkulmar.
U la ong ruh ba ka resolution ba la wanrah da uCEM ka long beit kat kum ka Order 1950 ba ka ba batai ia ka jing ioh jing I thuh jong kiei ki riew hakane ka jylla.
Na kaliang jong u bah Lyngdoh u la ong ba u ai ka jing kyrshan ia kane ka Resolution ha ka ba iadei bad ka jing dawa ba dei ban amrndment noh ia ka Constitution Schedule Tribe Order 1950.
Kiwei kiwei pat ki ba la ia shim byngta ha kane ka jing iata ki kynthup na duh u deputy CEM u bah P N Syiem, bah Bajop Pyngrope, Bah Jambor War bad kiwei kiwei, ha kaba kine ki MDC ki la ioh ban pynsngew ia la ki jong ki jong ki jing sngew jongki halor kane ka resolution ba la wanrah da u CEM. Kumta na ka liang ka KHADC ka la shim ia ka rai ha ban mynjur ban phah ia kane ka rai sha ka Sorkar Jylla.
