Shillong, Jylliew 07: Ka Tnat Information & Broadcasting (I&B) bad ka Tnat AYUSH ki la sdang ia ki jingpynkhreh na ka bynta ban pynlong ia ka International Day of Yoga (IDY) 2024.
U Sanjay Jaju, Secretary, Tnat Information & Broadcasting (I&B) bad u Vaidya Rajesh Kotecha, Secretary, Tnat AYUSH ki la peit ia ki kam pathai khubor bad ki jingai jingpyntip na ka bynta ka jingrakhe ia ka IDY 2024 kaba ju long ha ka 21 tarik Jylliew man ka snem.
Ki shnat phah khubor jong ka Tnat Information bad Broadcasting ki la pynkhreh ban pynlong shibun ki prokram ban wanrah ka jingsngewthuh shaphang ka Common Yoga Protocol (CYP) ryngkat bad ka jingsngewthuh shaphang ki jingmyntoi jong ka jingleh Yoga.
Ia ki prokram ba kongsan la pynkhreh da ki media unit bapher bapher kum ka Press Information Bureau, PrasarBharati, New Media Wing, bad kiwei kiwei. Ka Public Service Broadcaster, Prasar Bharatikan pyni ia ki prokram bapher bapher lyngba ka Doordarshan (DD)/All India Radio (AIR) Network.
Ka Doordarshankan pyni ia ki prokram bad ki jingiakren bad ki riewshemphang ha ka Yoga ryngkat bad ka jingpyni LIVE ba kyrpang ha ka por mynstep.
Ka Akashvani kan pyni ia ki prokram ban kyntiew ia ka Yoga kum shi bynta ka rukom im bad na ka bynta ka bha ka miat jong ki briew, ha ka jingiatreilang bad ka ‘Morarji Desai National Institute of Yoga’, ka kynhun hapoh ka Tnat AYUSH. Ka Tnat AYUSH ka la pynkhrehia ka ‘Yoga Geet’ ia kaba yn sa iasam ha baroh ki rynsan pathai khubor.
Ka Tnat I&B kan bteng bad ka sienjam ban pynshlur ia ki kynhun pathai khubor shimet bad ka Antarashtriya Yoga Diwas Media Samman (AYDMS). Ka Tnat Information bad Broadcasting ka la sdang ia ka Antarashtriya Yoga Diwas Media Samman (AYDMS) ha ka 09.06.2023 ban ithuh ia ka jingnohsynniang jong ki kynhun pathai khubor bad ki kompani ha ka Print bad TV bad Radio ban pynsaphriang ia ka khubor shaphang ka Yoga.
Ki thup jong ka khusnam ki long ‘Best Media Coverage in Yoga in Newspaper’, ‘Best Media Coverage in Yoga in Electronic Media (TV)’ bad ‘Best Media Coverage in Yoga in Electronic Media (Radio)’.Ia ki khusnam na ka bynta une u snem, bad ki khusnam jong u snem ba ladep, yn ai hadien ba la pyndep ia ki jingrakhe ba mynta u snem.
Ka New Media Wing (NMW) kan pynlong ia ki prokram kum ka jingiakop ‘Yoga with Family’ lyngba ki social media account jong ka Tnat I&B kum ka jingiakhun na ka bynta ki longiing ban leh Yoga lang bad upload ia ki reel da kaba pyndonkam ia ka Yoga Geet. Yn pynlong ruh ia ka ‘Yoga Quiz – Guess the Aasan’. Yn pyllait ia ka Podcast IDY 2024.
Nalor kane, ki Media unit bapher bapher bad ki kynhun jong ka Tnat I&B kin pynlong ia ki session/workshop halor ka Yoga kum ka jingpynkhreh ia ka IDY. Mynta u snem yn pynlong ruh ia ki Yoga camp, ki seminar bad kiwei kiwei ban kyntiew ia ka yoga bad ka bha ka miat jong ki nongtrei.
Ka jingiar jong ka jingrakhe ia ka IDY ka la nang kiew man ka snem naduh ka jingithuh ia ka 21 tarik Jylliew kum ka “International Yoga Day”. U Myntri Rangbah duh NarendaModi u la shimkhiaia ki sienjam jong ka sorkar ban wanrah ia ka Yoga sha ka pyrthei.
Ha ka jingrakhe ia ka 9th International Day of Yoga 2023, u Myntri Rangbah duh u la ialam ia ki jingrakhe ha headquarter jong ka UN ha u 2023 ha kaba la iashim bynta da ki delegate na 135 tylli ki ri. Kane ka jingrakhe ka la rung ha ka Guinness World Record da ka jingiashim bynta 135 tylli ki ri ha ka jingrakhe ia ka Yoga.
La rakhe ia ka prokram lyngba ki sienjam ba thymmai. Ka jingialang kaba heh bha ha ka ri la pynlong ha Jabalpur, Madhya Pradesh ha kaba la iashim bynta palat 15,000 ngut ki briew da kaba leh lang ia ka Common Yoga Protocol (CYP) ha ka jingdonlang u Vice President, JagdeepDhankar.
Shuh shuh, ha ka ‘Ocean Ring of Yoga’ la sakhiia ki shipai na 19 tylli ki lieng ha 34 tylli ki ri kiba iashim bynta ha ka jingleh Yoga lyngba ka jingkyrshan jong ki Tnat Defence, External Affairs, bad Ports Shipping, and Waterways.
La pynlong ia ka jingleh Yoga na Arctic haduh Antartica, kynthup ki jaka wad bniah jong ka India, Himadri bad Bharati. Ki kynhun shipai jong ka India ki la sdang ia ka ‘Yoga Bharatmala’ bad la khot ia ki jingpyni ia ka jingleh yoga ha ki jaka khapduriaw kum ka ‘Yoga Sagarmala.’
Ha ki jaka nongkyndong, ka sienjam ‘HarAangan Yoga’ ka la pyniasoh ia ki briew ha ki jaka nongkyndong da kaba pynlong ia ki jingleh yoga ha ki Panchayat, Anganwadi centre bad ki skul ha kumba 200,000 tylli ki jaka. Ha ka jingantad, la don 23.4 klur ngut ki briew kiba la iashim bynta ha ka IDY 2023.
