Shillong, Risaw 20: Ka Meghalaya States Olympic Association ha ka jingialang mynta ka sngi la pynlong ha State Convention Centre ka ai ia ka jingkit bok kitrwiang ia ki khynnah ki ban sa leit ban ia shim bynta ha ka National Games ka ban sa long ha Goa naduh ka 25tarik u Risaw bad kan kut ha ka 9 tarik Naiwieng 2023.
Ha kane ka jingialang la wan ban ia don lang da u Minister ka tnad ialehkai bad ba peit ia ki samla u bah Shakliar Warjri, u commissioner and secretary u Dr Vijay Kumar D, IAS, ka kong Isawanda Laloo Director jong ka tnad ialehkai, u president ka MSOA u bah John F kharshiing, ki dkhot ka MSOA bad ki khynnah.
U Myntri ba dei peit ia ka tnad ialehkai u bah Shakliar Warjri u la ai ka jingkitbok ia ia ki khynnah ki ban lei ban mih khmat ia ka jylla ha kane ka National Games kaban sa long ha Goa ba kin ioh ka met ka ba koit ba khiah.
U la ai ka jingkhublei ia kine ki khynnah ki ba shah jied ban mih khmat ia ka jylla ha katei ka lympung. U la buh ka jing kyrpad ba kin long ki ba trei shitom ha ki jing ia lehkai jong khnang ba kinlah ban wanrah takma bad ka burom sha ka jylla.
Na ka liang ka kong Isawanda Laloo kala ai ka jing khublei ia ka sorkar jylla bad kumjuh ruh ia u Minister ka tnad ialehkai ba kila ai ka jingkyrshan ba ki lah ban phah ia ki khynnah ban leit ia shim bynta sha ka National Games bad kumjuh ruh ia u president ka MSOA ba ki la iarap ban jied ia ki khynnah ki ba i bit ban leit ia shim bynta sha ka National Games.
Ka la ai ruh ka jing kyntu ia ki khynnah ki ban sa mih la shai ka sngi na ka jylla ba kin ioh ka met ka ba koit ba khiah bad ba kin long ki ba trei shitom khnang ba kin lah ban wanrah burom ia ka jylla. Ki khynnah ki ban lei ia shim bynta sha ka National Games ba roh ki long 45 ngut bad 20 ngut ki manager bad ki nonghikai.
