Shillong, jylliew 29: U Myntri Rangbah ka jylla Meghalaya u Conrad K Sangma mynta ka sngi u la pynmih ia ka jingpynbna ba la pynjari ia ka jingkhang dam ia baroh ki shnong kiba ia khap bad ka sor Guwahati naduh Byrhinat haduh Rani Godown.
U Symbut myntri Rangbah u bah Prestone u la ong ba ka sorkar kala phah khang ia baroh ki dukan kiba ha Meghalaya naduh Byrnihat ter ter sha duh Rani Godown lynti ban leit sha Airport ban iada na ka sa phriang u khniang jingpang COVID-19.
Ka sorkar Meghalaya kala shim ia kane ka rai namar ba ka jingjur palat ki briew kiba don ha Sor Guwahti kiba la ioh ia kane ka jingpang COVID-19 ha katei ka nongbah kaba ia jan bad ki shnong kiba hap hapoh jong ka jylla Meghalaya, kane ka jingkhang kan long haduh ka 15 tarik jong u Naitung.
U Bah Prestone u la ong ba la bthah ia ka DC jong ka Ri Bhoi District ba kan pynmih ia ki jingpynbna kiba don kam bad ban peit kumno ban pyniaid ha kaba ia dei bad ka tei ka thain. Haba ia dei bad ka jingiarung ia mih jong ki briew dang khang haduh ka 15 tarik Naitung.
Haba ia dei bad ka leit ka wan jong ki briew ka jylla kiba wan phai ka sorkar kan dang beteng ban kit da ki kali kiba la buh da ka sorkar haduh 15 tarik Naitung ha kaba ki briew ki hap ban siew ia ka bai kali.
Haba ia dei bad ki kolej bad ki skul ka sorkar kam pat don kano kano ka jingpyrkhat ban plie ia ki ia mynta, haba ia dei bad ki Hotel, u myntri rangbah u la kren shai ba la shah tang ia ki hotel ban plie ym ia ki iing basa, la ong u Bah Prestone symbut myntri rangbah ka jylla.
