Shillong, Jymmang 27: U Deputy Commissioner jong ka Ri Bhoi District u A. Upadhyay IAS mynta ka sngi la pynmih ia ka jingbthah ban phah khang baroh ki skul kiba hap hapoh jong ka Ri Bhoi District na ka daw jong ka jingbeh ka lyer langtthari “REMAL”.
Katkum ka jingbhah jong ka IMD, la ong ba kan don ka jingbeh ka lyer langthari ha ka 27 bad 28 tarik Jymmang 2024, kumta ban lait na kano kano ka jingmynsaw la bthah ia baroh ki skul kiba hap ha Ri Bhoi District ba kin khang lashai ka sngi ka 28/5/2024.
U Deputy Commissioner jong ka West Khasi Hills District ha ka jingpynbna kaba la pynmih mynta sngi la ong ba na ka daw jong ka jingwan u lyer langthari “REMAL” kum ka lat jingiada la bthah ia baroh ki skul ban lait na kano kno ka jingjia kaba sngewsih.
Ban iada na kano kano ka jingjia na ka liang jong u Deputy Commissioner jong ka West Khasi Hills District la bhah ia baroh ki skul hapoh ka District ba kin khang ia ki skul la shai ka sngi ka 28/5/2024.
