Shillong, Risaw 13: U General secretary ka seng lehnoh kaba la shah khien beain ua bah Sainkupar Nongtraw ha ka kyrwoh u la ong ba ka jingkam ki pulit halor ha jingwan pyndem u Bah Suchen ka dei tang ka jingshna drama jong ki. Hynriew bnai mynshuwa u bah Suchen u lah shahkem teng haki pulit halor ka jingsuba ba u donkti haki kam pynbthei bom.
La ong ba hadien ba u la lait, ki pulit ki dang leit thwet, leit pynthut,bad leit byrngem ia u te u bapli ym banse ban phet riej biang bad hadien kata u sa leit ban pyndem noh ialade. U bah Suchen ym shym dei u briew uba don bynta haki jingpynbthei IED katkum ka jingkynnoh ki Pulit.
Ka tnad pulit namar ba kam ioh sabut ba tikna halor ka jingbthei IED ka lah shu kem laka kem Iaki dkhot barim ka HNLC kumjuh ia kiwei pat ki samla bad ki dkhot ka HNLC kim dei kiba suk ban kem kumba leit kem. Kane ka jingkem klumar ki pulit ka pyni shuh shuh iaka jingtlot bad ka jinglong kutlad.
Ka Ki National party ki leit ki wan haka Jylla hynrei ym don tang kawei ka party ka ban ai iaka jingshakri hok bad kine kin nym lah ban weng iaka jingeh ka Jylla Meghalaya. Kaei kaba ki don kam iaki seng trai ri ba shirong ki ba lah ban ai iaka jingshakri katkum ka jingangnud ki paidbah.
Shuh shuh ka Seng ka pynbna ba ki office ka NPP ki dei ban khang khyrdep shisyndon na khasi bad jaintia ka ban treikam naduh mynta ka sngi bad un aipor iaki tang hapoh shitaiew, kane ka long katkum ka kyrwoh kaba la phah da u bah Saińkupar Nongtraw General secretary cum Publicity secretary,HNLC.
