Shillong, Iaiong 30: Ka Khasi Student’s Union, seng kmie kala phah ia ka khubor sngewlem halor ka jingkhlad kyndit jong u samla Pynshai Buhphang president ka seng Lad-Ryngud unit ha ka sngi ba ar mynta u bnai. Na ka liang jong ka seng ka pynpaw ia ka jingsngewsih bad ka jingduh kaba khraw halor ka jingduh noh ia une u samla hapoh jong ka seng.
Ha ka kyrwoh sngewlem kaba ka seng KSU seng kmie kala phah kala pynpaw ba ka jingkhlad ba kyndit jong une u samla uba ia tynrong lem iaka juh ka lyngkor ban shakri iaka Ri bad ka jaitbynriew, ka long ka jingduh kaba khraw ym tang iaka iing ka sem hynrei ia ka seng hi baroh kawei.
Namar Kum ka Seng ka dang khmih lynti ia shibun ki synñiang na une u samla ban trei naka bynta ka imlang ka sahlang, khamtam naka bynta ka Ri bad ka jaitbynriew.
Ha kaba kum kane kapor kim don kyntien da kumwei pat, hynrei ki buh haka duwai ka phirat ba u trai nongbuh nongthaw un wan ban pyntngen iaka iing ka sem bad ïa baroh kiba dang don ka jingiadei bad une u samla bad kumjuh ruh ngeit ba u Blei un wan pyndap khamtam eh ban ñiad noh ia ki ummat jong ka Jing sngewsih.
Kum ka iing ka la duh noh ia uwei na ki dkhot jong ka iing ha kapor ba ym shym la khmih lynti satia. Leit suk samla Pynshai Buhphang sha dwar u Blei, kum ka seng kan buh haki jing duwai ba ka mynsiem jong une u samla kan shong jah thait haka jaka kaba u Nongthaw u la mang lypa.
