Maligaon, Jylliew 17: U Myntri Rangbah Duh jong ka Ri India u, Narendra Modi u la phah ia ka khubor sngewlem halor ka jingjia tyngkhuh ki rel ha West Bengal. U Myntri Rangbah Duh u la ong ba ki jingpyrshang ban pyllait im ia ki briew ka dang iaid shakhmat.
U myntri rangbah duh u la ong ban ai jingiarap ruh ia kiba la don ha kane ka aksiden bad ba u Myntri ka Tnat Rel, Ashwini Vaishnaw u dang leit sha ka jaka ba jia kane ka jingjia.
Ka Ophis U Myntri Rangbah Duh ka la pynbna ia ka jingsiew bai lutksan kaba T. 2 lak na ka PMNRF sha kiba haiing jong kito kiba la duh ia ka jingim bad T. 50,000 ia kito kiba la mynsaw. U Myntri Rangbah Duh u la post ha ka X;
“Ka jingjia aksiden ka rel ha West Bengal ka long kaba sngewsih. Nga ai ka jingsngewlem sha kiba haiing jong ki. Nga duwai ba kito kiba la mynsaw kin ioh jingkoit jingkhiah kham kloi”.
“Nga la iakren bad ki ophisar ba kin peit ia ki jinglong jingman. Ki jingpyrshang ban pyllait im ia ki briew ki la iaid shakhmat bad ruh ka jingai jingiarap ia kito kiba la don ha kane ka jingjia aksiden.
U Myntri ka thnat Rel, Ashwini Vaishnaw Ji ruh u dang leit sha ka jaka ba jia kane ka jingjia.” Ka Ophis u Myntri Rangbah Duh ka la post ha ka X;
“U Myntri Rangbah Duh u la pynbna ia ka jingsiew bai lutksan kaba T. 2 lak na ka PMNRF ban ai sha kiba haiing jong kito kiba la khlad ha kane ka jingjia ha West Bengal. Ia kiba la mynsaw yn ai T. 50,000.”
