Shillong, Risaw 12: U Myntri Rangbah ka jylla Meghalaya u Conrad K Sangma mynta ka sngi u la iakren bad u myntri ta tnad rel u Ashwini Vaishnaw ha kaba ia dei bad jingkylla ka rel North East Express Mail Rel ha Buxar District jong ka jylla Bihar kaba mih na Guwahati ban leit Sha Delhi.
Ha kane ka jingjia san ngut ki briew kila duh ei iala ka jingim bad 70 ngut kiwei pat kila mynsaw jur ha kane ka jingkylla ka rel, na ka liang jong u myntri rangbah ka jylla u la dang phah wat jingtip la ki don ne em ki briew kiba khlad ne mynsaw kiba dei na kane ka jylla Meghalaya.
Na pdeng ki 70 ngut kiba la mynsaw jur ki don 37 ngut bad na ka liang jong ka sorkar jylla ka dang bteng ia ka jingiakren bad ki bor ba pyniaid ia ka tnad rel ban tip ka ki don ne em ki briew na kane ka jylla Meghalaya kiba mynsaw ha kane ka jingjai kaba sngewsih ia kiba mynsaw la pynkit sha AIIMS ha Patna.
Na ka liang jong ka tnad rel kala pyntip bala phah da kawei ka rel ban phah biang ia ki briew ba kin wan phai biang sha Assam, na ka liang jong ki ophisar na kane ka jylla ki dang bteng ban ia kren ban lap lada don kiba mynsaw na Meghalaya, lada don ki lah ban phone ha u snem u number 18003453644.
