Shillong, Nailar 30: Ki pulit jong ka Nongstoin kila pynmih ia ka hukum ban thwet ia u kpa ba la leh beijot iala ka jong ka khun ha ka shnong Nongryniang, ia kane ka jingpyntip la pyntip sha baroh ki thanat jong ka jylla Meghalaya.
Ha kane ka jingphah jingtip jong ki pulit kila ong ba u Bah Eveningstar Sangriang 39 snem, na ka shnong Nongryniang kaba hap hapoh jong ka Mawkyrwat pulit station South West Khasi Hills District leh beijot ia la ka jong ka khun naduh u snem 2012.
Ia kane ka jingleh jong u kpa la paw pyrthei tang ha u bnai Lber mynta u snem 2018, haba ia dei bad kane na ka liang jong ka kmie kala ai ia ka jingujor sha ki pulit jong ka Nongstoin pyrshah ia u Bah Eveningstar Sangriang ban kem ia u ne u nongleh kam sniew.
Hynrei ban lait na ka jingshah kem na ki pulit u Bah Eveningstar Sangriang u la phet na shnong bad haduh mynta ym pat tip sha ei u don, dei halor kane ka jingjah ka jong u na ka liang jong ki pulit kila pynmih ia kane ka jingpynbna ha ka 24 tarik mynta u bnai ba lada don ba tip ne lap ia u dei ban pyntip sha ki pulit.
Na ka liang jong ki pulit CID jong ka Nongstoin kila register ia kane ka ejahar hapoh nongstoin pulit station hapoh jong ka POCSO, Act. Ia kane ka jingpynbna jong ki pulit ba thwet ia une u briew la pynmih ia kane ka hukum ka 24/8/2018.
