Shillong, Naitung 12: Ka kong Grace Mary Kharpuri ka EM ba dei peit ia ka tnad Information Technology hapoh jong ka KHADC, haba jubab ia ka jingkylli jong u bah T.W Chyne kala phla hapoh ka iing dorbar ba kam don jingtip katno tylli ki computer ki don ha ophis.
Kala iathuh ba kala dep ban pan jingkhien hynrei haduh mynta ka sngi kam shym la ioh ia ka jingkhien, kum juh kala pan jingkhein kato la die lilam ruh ia kata ruh kamshym la ioh ia ka jingkhien haduh mynta.
Kala iathuh hapoh ka iing dorbar ka kam shym don kata ka jingmang pisa ia ka tnad IT, kala kyntu ia ka EC ba kan mang pisa namar ka jingtrei kam jong ka tnad IT ka long man ka sngi ban shnon ia ki kot ki sla, la ong bat eng teng la hap ban sei na pla ban thied sia tang ban iaid ka kam.
Kala ong ba ka pisa T.20,21,950/- tyngka kam dei ka pisa kaba ki thied computer hynrei kane ka pisa ka dei kaba thied ia ki sia, ki key board bad kiwei kiwei ki jingdon kam ha kaba ia dei bad ki kor computer, kum ki Scanner, ki Printer bad kiwei ki jingdon kam.
Ia kane ka jingkylli haba ia dei bad ka jingthied ia ki jingdon kam ha ophis kum ki kot sada ki wei kiwei kiba don kam ha ophis man ka sngi u bah Pyniaid CEM jong ka KHADC la ong ba ka jinglut kala kot sha ka T.19,20,512/- tyngka, kane ka jinglut la kynthup lang bad ban siew ia ki bill ba sah jong ka snem COVID-19.
