Shillong, Nailar 13: U Myntri rangbah ka jylla u Conrad K Sangma mynta ka sngi u la plie ia ka jaka thied tied ha Mendipathar ha North Garo Hills District ha ka jingtei kaba 10 klur ia kaba la tip kum ka ‘Oyster Mushroom Cluster’ bad kane kan pynioh jingmyntoi ia ki 1000 tylli ki long iing jong ki nongrep haka bynta kaba nyngkong.
Ia kane ka skhim thung tied la pyntrei kam da ka Mendipathar Multipurpose Cooperative Society hapoh ka jingpeit jong ka Sister Rose ia kaba la bei pisa na ka skhim SFRUTI lyngba ka MSME da ka jingpiet pisa kaba lai klur na ka sorkar jylla.
Haba kren ha kane ka jingialang na ka liang jong u myntri rangbah ka jylla la ong ba ka jngdawa ia ka u tied ha ki iew jong ka pyrthei kala dang kiew na kawei ka snem sha kawei pat bad kane kan long ka jingiarap ia ki nongrep bad ka sorkar kala iaeh ban pynioh bun ki skhim bapher bapher.
U myntri rangbah la jylla u pynshlur ia ki paidbah ban rep thung tied ha kaba ka sorkar kan ai jinghikai ia kito kiba don ka jingthmu ban trei ia kane ka kam,ha kane ka sngi la pynlait paidbah ruh ia ki kali ban leit ban lum ia u tied na ki nongrep bad ka sorkar kan ai ka jingkyrshan.
Ha kane ka sngi la alti ruh ha kane ka Mendipathar Multipurpose Cooperative Society ban thied bad ban lum ban lang ia ka jri na ki nongrep ha katei ka thain jong ka North Garo Hills District.
