Shillong, Iaiong 28: Mynta ka sngi u nongai buid sha u myntri rangbah ka jylla u bah Lambor Malngiang ba dei ruh MLA jong katei ka jaka u la plie ka surok kaba la shna pynbha ha ka shnong Urmasi-U-Joh, kane ka surok ka dei ka bynta kaba nyngkong kaba long 2.km.
Ia ka jingialang paidbah ban plie ia kane ka surok la pynlong ha iing dorbar shnong, ha ka jingkren u bah Lambor la ong ba kane ka dei ka sngi sah kynmaw na ka bynta ka shnong ha kaba la ioh ban plie ia kane ka surok kaba ki paidbah ki la angnud.
Na ka liang jong u MLA u ai khublei kyrpang ia ki paidbah kiba la ia treilang ban ioh pyndep ia kane ka surok ia kaba la bei pisa na ka skhim RIDF-XXV ba dei jong u snem 2019-2020, kane ka jingiatreilang kala wanrah ia ka jingmyntoi ki paidbah ha shnogn ha thaw.
U bah Lambor la ong ba ha ka jingshisha kane ka surok kala slem ban pyndep da ar snem ka daw jong ka jingslem ban pyndep ka dei na kane ka khlam COVID-19, hapeng kane ka jingeh u ba shim kontrak ia kane ka jingtrei la pyndep ia kaba la ioh ban plie mynta ka sngi.
Kiwei kiba la kren ha kane ka jingialang ki long u bah S. Lytep Executive Engineer (Road) jong ka NH Shillong Bye Pass Division, ha kane ka sngi la don lang u rangbah shnogn ki nongkit kam shnong bad ki paidbah jong ka shnong ban ia sakhi lang ia kane ka sngi.
