Shillong, Rymphang 21: U Chief Executive Member jong ka KHADC u bah Titosstar Well Chyne ha ka sngi Saitjain u la plie ia u mawsah kynmaw ia ka jingdap 175 ka shnong Mawkaphan, ia kane ka shnong la seng ha u snem 1845 katkum ki jingthoh kiba la lap.
Ki nongseg ia kane ka shnong ha u snem 1845 ki long na ki san tylli ki long king, Himai Disiar bad u Sulo Blah, Kiribon Dewsaw bad Honmari Disiar, Laki Disiar bad u Muni Pdahkasiej, ka Thadia Nongkynter bad u Saro Pdahkasiej, ka Kynroin Nongkynter.
Ha kane ka sngi plie ia u mawsah kynmaw ia ka jingdap 175 kane ka shnong la don lang u MLA, bah Himalaya Shangpliang, u MDC bah Alvin K Sawkmie Deputy Chairman ka KHADC bad u Acting Syiem jong ka Hima Mawsynram.
Ban pynphuh pynphing ia kane ka sngi kila don ki jingrwai kibia la rwai da ki samla kane ka shnong bad ha kane ka sngi la don lang ki tynmen ki san ka shnong ka thaw rygnkat ki paidbah nongshong shnong.
