Shillong, Nailur 29: U Myntri Rangbah ka jylla u Conrad K Sangma haba kren ha ka lyngkhuh sngi iap kaba 25 snem jong u bah Peter G Marbaniang, MP, MLA, la ong ba ha kato ka por u kynmaw ba juhia don lang bad u kpa jong u Purno K Sangma hynrei namar u dang khynnah hynrei u kynmaw ba ki juh ia don lang.
Haba kren ha ka jingialang ban kynmaw burom ia u tei nongialam ha dei bala plie ia ka dur mot jong u bah Peter G Marbaniang ha Laitumkhrah point, la ong ba u kpa jong u, u Purno K Sangma bad u bah Peter G Marbaniang ki don kata ka jingiatreilang kaba jan bha.
Ka long kaei kaei kaba sngew tynnad ban iohi ba ki khun ki kti ki betang ia ka jingtrei kam jong u kpa ban trei na ka bynta ki paidbah bad ka jylla ia kaei kaba la sdang ha ka por u kpa ki dang iai bteng ia kata ka kam bad da kane ka jingplie ia u dur mot,kam mut tang ba la plie.
Kaei kaba kongsan ki riew khraw wat la kim don shuh hynrei ki ieh shadien ia ka rukom pyrkhat ia ka jingiohi jngai ka jong ki bad kane ka kam jong ki ka dang ia bteng, wat la la khlad 25 snem mynshuwa hynrei sngew kum ba dang jia shen, kane ka dei ka bor jong ki riew khraw kiba don ia kabor ktah ia kiba bun ba lang.
U ne u dur mot ba la plie mynta ka sngi kam dei tang ba la plie ia u hynrei kan pynkynmaw ia ki pateng ban wan ia kaei kaba u bah Peter G Marbaniang u la noh syniang ha ka imlang sah lang, kumno u la noh syniang wat ha ka ri baroh kawei bad ka dei ka bynta ban ia bud dien ia kaei kaba u la mait lynti.
Ha ka jignkren u bah Preston Tynsong Symbut myntri rangbah ka jylla u la pynkynmaw ia kaei kaba u tei u rangbah u la noh syniang ym tang ha ka jylla hynrei wat ha kari baroh kawei, u la pynkynmaw ba ha ka por ba u Marbaning u long nongmih khmat u dang khynnah.
Ia u durmot la plie da u myntri rangbah ka jylla u Conrad K Sangma bad u symbut mytri rangbah u bah Preston Tynsong, ia ka jingduwai bad jongkyrkhu la ai da u Arch Bishop Victor Lyngdoh, ha kane ka sngi la don lang u DGP u Dr. L R Bishnoi, ia ka jingkren ai khublei la kren da u bah Fantin Jospeh Lakadong.
Ha kane ka sngi la don lang kiba ha iing ha sem jong u bah Peter G Marbaniang, ki khun ki kti, ki ksiew bad ki pyrsa, ryngkat ki paralok jong u bah Peter G Marbaniang kiba la wan ban ia don lang ha kane ka jingleh burom ia ka jingdap 25 snem ka jingkhlad u bah Peter Mar Marbaniang.
