Shillong, Lber 28: U myntri rngbah ka jylla u Conrad K Sangma u la plie ia k shnat treikam kaba 25 jong ka HDFC bank ha Tura, ha ka jingiadon lang ka Agatha K Sangma MP ba rim ka Tura, SP ka WGH District u Abraham T Sangma, Smti. Rikse R Marak CEO jong ka Tura Municipal Board.
Haba kren kum u kongsan na ka liang jongu myntri rangbah ka jylla la ong ba ka long kaba don kam ban pyniair ia ka jingdon ki shnat trei kam jong ki bank la ka long ha ki sor ne ki jaka bala kham long sor bad kane kan iarap ban kyntiew ia ka ioh k kot kata ka jaka.
Ha ka juh ka por u myntri rangbah ka jylla u la ban jur ba ki bank kin kham pynsuk ia ki paidbah ba kin ioh ia ki ram na ki bank bad katta kan iarap ban kyntiew ia ka ioh ka kot jong ki paidbah ha ka juh ka por ka sorkar kan iarap ia kaba ka lah ban iarap, ha ka juh ka por ka sorkar ka sngewthuh ia ka jingeh ki bank ha ki nongkyndong.
Ha ka jingkren ka Agatha K Sangma MP barim ka Tura kala ai khublei ia ka Bank ba kala wan ban buh ia ka shnat trei kam ka jong ki ha Tura bad kane kan iarap ban pynbha ia ka jingpyniaid ia ka liang ka pisa ka tyngka ha katei ka thain.
Kiwei kiba la kren ki long u CP Marak IFS bala shong thiat ba dei ruh Executive Chairman man ka MBOSE, ka Rikse R Marak CEO jong ka Tura Municipal Board, u phadar Thomas John Principal ka St. Mary’s School kila don lang.
