Shillong, Naiwieng 21: Mynta ka sngi u myntri rangbah ka jylla u Cornad K Sangma u la plie ia ka Namdong C&RD Block ha West Jaintia Hills ha ka jingiadon lang u myntri kampynroi sor u Sniawbhalang Dhar bad u MLA Wailadmiki Shylla.
Haba kren ha kane ka jingplie paidbah u mytnri rangbah la ong ba ka jingthaw ia kane ka blok kaba thymmai ka long ban rah ia ka jingtrei kam jong ka sorkar sha jan bad ki paidbah da ka jingdon ia ka block ka long ban pynpoi ia ki kam pynroi sha ki nongkyndong.
Ka jingdon kane ka block kan iarap ia ki paidbah ka thain baroh kawei, wat ha pdeng ka jingduna pisa ka sorkar ialeh ban pynrung ia ki kam pynroi sha ki nongkyndong, lyngba ki Blok yn pynstep ban pynpoiia ki kam pynroi sha ki nongkyndong.
Kane ka sorkar kaba mynta kala lah ban pyndep ia shibun ki kam pynroi kiba la sah teng la bun bun snem, ha kine ki saw snem shiteng ka sorkar kala ialeh ban pynpoiia ki kam pynroi sha ki nongkundong.
Ha kane ka jingplie ia kane ka blok kaba thymmai u myntri rangbah la ong ba kane ka Blok kan trei kam mardor naduh mynta ka sngi, ha kane ka sngi la plie ruh ia ka Namdong CHC, la buh mawnongrim ruh ban pynbha ia ka surok Jowai-Nartiang-Kdiap-Khanduli bad ia ka jaka ringum kaba la tip kim ka Greater Mukhnang Lumrot Water Supply Scheme.
