Shillong, Nialar 16: Mynta ka sngi u myntri rangbah ka jylla u Conrad K Sangma u la plie ia ka karkhana pynmih sboh kaba khlem khleh dawai hapoh ka shnong Kyiem ha Mawphlang jong ka East Khasi Hills Dsitrict.
Kane ka jaka pynmih ia ka sboh kaba khlem khleh dawai ka long ban iarap ban kyntiew ia ka jylla ha ka rep ka riang kaba khlem pyndon kam dawai, kane ka long ka jingkyrshan ia ka sorkar jylla ha kane ka jingialeh ban pynmih ia ki marrep kiba khlem khleh dawai.
Ka sorkar jylla kala pynshlur ban pynkiew ia ka rep kaba khlem pyndon don ia ka sboh dawai bad kane kan long ruh kum juh ba ia dei ka dei ban long ha ka rukom kaba biang bad ban pynioh ia ka sboh ha ka por kaba biang.
Kumba ka long mynta ka jylla ka don kam haduh 25,000 Metrik Tone ha ka shisnem, u myntri rangbah la ong ba u don ka jingkyrmen ba da ka jingdon ia kane ka karkhnana kan iarap ban pynbiang ia kane ka sboh kaba khlem khleh dawai.
U myntri Rangbah ka jylla u la ong ba ka thong jong ka sorkar ka long ban dang pynkhlian shuh shuh ia ka rep kaba khlem pyndon kam dawai ha kane ka jylla bad ka sorkar kan pynshlur ha kane ka rukom rep ia ki nongrep kane ka jylla.
