Shillong, Lber 02: Ha ka por shiteng synia kala don ka jingpluh ki dukan hapoh ka iew Photkroh kaba don hapoh jong ka South West Khasi Hills District bad ha kane ka jingpluh ioh ioh jingtip ba san tylli ki dukan kila julor.
Haba kren ha u SP News Agency na ka liang jong u SDO Civil Sub Division jong ka Ranikor la iathuh ba ka don ka jingpluh ki dukan bad na ka liang jong ki kali pynlip ding kila leit sha katei ka jaka bad mynta dang ap ia ka kaiphot.
Kiwei pat ki lad khubor kila iathuh ba kane ka jingpluh ki dukan ka long hapoh iew bad ka jingjia ka long ha ka por meit, katkum ki lad khubor ki iathuh ba kam shym don kano kano ka jingjia ba sngewsih ha kane ka jingpluh ki dukan.
