Shillong, Nohprah 28: Ka jylla Meghalaya kala dei kaba nyngkong ban poi sha ka phainal jong ka jingialehkai Kriket U-16 boys’ Vijay Merchant Trophy da kaba pynrem ia ka jylla Nagaland da 72 run ha ka jingialehkai kaba la long mynta ka sngi ha Bhubaneswar.
Ka jylla Meghalaya kan sa ia kynduh ia ka jylla Manipur ne Mizoram ha ka jingialehkai phainal katba kiba jong ia ka semi phainal kaba ki dang ialehkai mynta ka miet, kiba jop kin ia kynduh ia ka jylla Meghalaya.
U Apandanka Marak u la la ioh haduh 5/45 na ki 11 Ober ha kaba ka jylla Nagaland kala shah pynrem noh ha ka inning kaba ar na ka bynta 92. Bad u Apandanka ula ioh 6/40 haka inning kaba nyngkong bad u la ioh haduh 11/85 ha kaba ki nongkawang boll na ka jylla Meghalaya bat bit.
Ha kane ka jingialehkai u mynta ka sngi u Aashish Kumar Lohar u la ioh ban tid haduh 57 run ha kaba ka jylla Meghalaya kala leh bha ha kaba kila ioh haduh 124 run bad kila shah pynlut baroh.
U Aashish ruh u la lehki bha ha kaba u la ioh 34 run, u Gaurav Jyoti Thakuria u la ioh 57 run na ki 18 ball bad kane kala iarap ia ka kynhun ha ka por ba ki dang ioh 47/5.
Ka jylla Meghalaya kala buh ka thong 165 ba ka jylla Nagaland ka dei ban jop, ha ka jingialehkai na ki 40 run kala jylla Nagaland kala ioh 92 run ha kaba baroh ki nongialehkai kila hapnoh, ha kane ka jingialehkai ka jylla Nagaland kala ioh 86 run ha kaba la hap tang lai ngut ki nongialehkai, hynrei kila duh noh 7 ngut ki nongialehkai tang hapoh ka 5 over bad ka jylla Meghalaya ka dang ap iano kan ia kynduh ha ka phainal.
