Shillong, Nohprah 29: U Assistant Manager jong ka Mawmluh Cherra Cement Ltd u la ujor sha ki pulit kiba don ha Sohra ba ha ka meit 24 bad 25 tarik mynta u bnai ki briew kiba ym lah ban tip kila prong jubor sha ka kamra Laboratory jong ka karkhana ba buh ia ki dawai shna dewbilat bad ki ophis.
Ki nongtuh kiba ym lah ban tip, kila rah 36 tylli ki kor ban peit bniah ban thew haba shna ia ka dewbilat kumno ban khleh, ar tylli ki tachometers, lai tylli ki platinum crucibles, bad ar tylli ki baje wah kynroh, ha ka jingujor la suba ba ka jingjia ha long ha ka miet 24 bad ka miet 25 tarik mynta u bnai Nohprah.
Ha kawei pat ka jingjia u bah Kitboklang Khongwir ba sah ha Lawjynrew Nongthymmai Shillong, ula ujor sha ki pulit na ki briew kiba ym lah bantip kila tuh ia ki saw tylli ki Tyre kali jong ka Local Taxi kane kala jia ha ka 26 tarik mynta u bnai Nohprah.
U bah Rober Syiemlieh u la ujor ba ha ka 21 Nohprah 2023 ki briew kiba ym lah ban tip kila tuh ia ka Bike jong u na iing sah ha Golf Links Khliehshnong kaba don ia u number ML-10C-1908
