Shillong, Naiwieng 26: Mynta ka sngi la rakhe ia ka sngi ba kyrpang ia kaba la tip kum ka sngi ba la pdiang ia ka riti synshar jong ka Ri India bad kane ka jingrakhe ia ka lyngkhuh snem kaba 71st. Ia kane ka jingrakhe la pynlong ha Yojana Bhavan Shillong.
Ha kane ka jingrakhe ia kane ka sngi lyngkhuh snem kaba 71st naduh ba la pdiang ia ka Riti Synshar jong ka Ri, la pule ia ka “Maitphang” jong ka Riti Synshar da u Chief secretary jong ka sorkar jylla u M S Rao ha ka jingiadon lang kiwei ki ophisar jong ka sorkar jylla.
Ka jingrakhe kyrpang ia kane ka sngi ka long ban pynkynmaw ba dei ha kum kane ka sngi ba la pdiang ia ka riti synshar jong ka Ri India kaba dang bat haduh mynta mynne ha kaba ia dei bad ka synshar khaddar hapoh jong ka Ri.
