New Delhi, Nohprah 30: U Myntri Sorkar Pdeng, u Anurag Singh Thakur mynta ka sngi u la pliepaidbah ia ka Calendar 2024 jong ka Sorkar Pdeng hapoh ka phang“HamaraSankalpViksit Bharat”.
Ka calendar 2024 ka pyni ia ki jingkylla ha ka imlang sahlang, ka deiriti bad ka ioh ka kot kaba la wan ha ka jingim jong ki briew ka India lyngba ki polisi kiba peit shuwa ia ka bha ka miat jong ki briew.
Ka jingpyntreikam ia ki skhim bad ki sienjam hapoh ka jingialam jong u Myntri Rangbah Duh, u Narendra Modi. Ha ka jingai jingkren jong u, u Myntri u la kren shaphang ki jingjop bapher bapher jong ka Sorkar ia kaba la pyni lyngba ki dur ha kane ka calendar.
U Myntri u la ong ba ka India ka la shim ia ki sienjam ba heh na ka bynta ka Atmanirbhar. Ka ri kaba ju don mynshuwa ha ka kyrdan kaba ar ha ka jingthied ia ki mobile phone nabar ri mynta ka dei kaba don ha ka kyrdan kaba ar ha ka jingpynmih ia ki mobile phone.
Ka ri kaba juthiednabar ri ia ki dawai tika mynta ka sam ia ki dawai tika sha baroh kawei ka pyrthei hapoh ka Vaccine Maitri. Mynta ka India ka dei kaba khlain bor bha ha ka jingshna ia ki mar.
U la ong ruh ba wat ha ki kam ba ka India kam ju don kti mynshuwa, ka ri mynta ka la kiew bha bad kum ka dak jong kane, u la ong ba ka India mynta ka don ha ka kyrdan kaba lai ha ki kam startup.
U Thakur u la ong ba ka Sorkar ka niewkorbha ia ka jingpynkupbor ia ki longkmie, bad kane ka paw lyngba ka Ujjwalayojanabad ka Drone Didi. Ha kaba iadei bad ka bha ka miat jong ki nongrep, u Thakur u la ong ba ka dei kane ka Sorkar mynta kaba la pyntreikam ia ka kaiphod jong ka Swaminathan Committee. Shuh shuh, ka Sorkar ka la pynlut2.8 lak klur haduh mynta na ka bynta ka jingkyntiew ia ki nongrep, u la ong.
Ka jingshai bad ka jingbahkhlieh ki dei ka nongrim jong ka Sorkar bad ka dei kane ka jingngeit kaba la kyntiew ia ka India na ka thupFragile Five ha ka ioh ka kot sha ka ioh ka kot kaba don ha ka kyrdan kaba san ha ka pyrthei mynta. Kane ka jingngeit ka wan naduh ka bor ha halor tam hapoh ka jingialam jong u Myntri Rangbah Duh, u Narendra Modi, u la ong.
Ha ka jingpynkut ia ka jingai jingkren jong u, u Thakur u la ong ba katba u snem 2023 u la poi sha kaba kut, u snem 2024 u wanrah ia ki lad ki lynti kiba bun. Ka pyrthei ka phai sha ka India da ka jingkyrmen, ka pyrthei ka phai sha ka India kum ka nongialam lynti.
Ha kane ka sngi, u Myntri u la pliepaidbah ruh ia ka exhibition halor ka phang “HamaraSankalpViksit Bharat”.
Shaphang ka calendar
Man u bnai u pyni ia ka jingphuhsamrkhie jong ki longkmie, ki samla, ki briew kiba pdeng ka ioh ka kot, ki nongrep bad ka imlang sahlang baroh kawei namar ka jingpynurlong ia ki jingkular ba ka Sorkar India ka la ai ha kine ki khyndai snem ba la dep. Ka dei ka jingai burom ia ki sienjam ba la shim da ki kynhun ka Sorkar Pdeng bad ki ophisar ban pynurlong ia ka jingkular‘SabkaSaath, SabkaVikas, SabkaVishwas, SabkaPrayas’.
Kyllalyngkot:
Katba ngi poi sha u snem ba thymmai, ngi pdiang ia ka jingngeit ha ka jingsaindur thymmai bad ka jingskhem jingmut hapoh ka phang‘Unleashing Potential, Making India Self-reliant’ na ka bynta u bnai ba nyngkong jong u snem. Ka India ka la ioh ia ki jingjop ba bun namar ki sienjam kum ka “Make in India” bad “Make for the World” bad ka phang na ka bynta u Kyllalyngkot ka pynkynmaw shaphang ki sienjam ba ngi iashim lang na ka bynta ka lawei kaba dap kaba pahuh bad kaba la pynkupbor.
Rymphang:
Ngi rakhe ia u bnai Rymphang lyngba ka phang”Youth Power for National Development.” Na ka jingplie lad ia ka jingseng kam lajong sha ka jingpdiang ia ka teknoloji, u Rymphang u dei u bnai ba khot ia ka jingpynkhlain ia ka bynta jong ki samla ki ban kyntiew ia ka ri sha ka lawei kaba kham bha bad kaba pdiang lang ia baroh.
Lber:
Ka jingai jingshakri ia kiba duk ba suk bad ka jingkyntiew ia kito kiba shem jingeh ka dei kawei na ki kam ba kongsan jong ka Sorkar Modi. U bnai Lber hapoh ka phang‘Priority to the deprived’ u wanrah ia ka jingpynkynmaw ba ka roi ka par ka shong ha ka jingai jingiarap ia kito kiba donkam bha ia kane da kaba pynthikna bad ki kam bad ki polisi jong ngi ki pyni ia ka jingieng skhem na ka bynta ka jingpdiang lang ia baroh bad ka hok.
Iaiong:
Ki longkmie ki don ka bynta kaba khraw ha ka imlang sahlang, khlem ka jingkiew shaphrang jong ki, ka roi ka par ha ka imlang sahlang ka sahkut. Ka phang jong u bnai Iaiong ka pynshlur ia ka jingpynkupbor ia ki longkmie ha baroh ki kam, ka lawei ha kaba ka jingialam lynti jong ki bad ki jingnoh synniang jong ki,ki long ba kordor ha ka jingshim ia ki rai bad ka roi ka par kaba iaineh.
Jymmang:
Ka phang jong une u bnai ka phai sha ka jingtrei shitom jong ki nongrep. Ka ban jur halor ka jingpeit bniah ka Sorkar ia ki polisi na ka bynta ka roi ka par ha ki kam rep, ka jingkyrshan ia ki rukom treikam kiba iaineh, bad ka jingpynthikna ia ka bha ka miat jong kito kiba pynbiang mar bam ia ka ri.
Jylliew:
Ha kine ki shiphew snem ba la dep, ki sienjam bapher bapher jong ka Sorkar kum ka PM SVANidhi, PM Vishwakarma, bad MUDRA Yojanaka la kyntiew ia ka jindon ki kam, ki lad ban seng kam lajong bad ki kam khaii pateng ha India. Une u bnai uba don ka phang’Growth in employment and self-employment Opportunities’ u phaikhmat sha ka jingplie lad ioh kam bad ka jingseng kam lajong kiba wanrah ia ka jingpynkupbor ha ka ioh ka kot.
Naitung:
U bnai Naitung u dei shaphang ka jingrakhe ia u budlum jong ka imlang sahlang, ki briew kiba pdeng ka ioh ka kot. Ka jingtrei shitom jong ki ka dei ka mynsiem jong ka India kaba Thymmai bad ki dei ma ki kiba ialam lynti sha ka roi ka par bad ka jingsaindur thymmai. Ka Sorkar jong ngi ka la trei na ka bynta ka ‘Jingsuk ha ka Jingim’ na ka bynta ka jingmyntoi jong ki briew kiba pdeng ka ioh ka kot.
Nailar:
U bnai Nailaru long ka dak jing ka jingkiew shaphrang ka India ha ki kam ka ioh ka kot jong ka pyrthei. Lyngba ki sienjam kum ka Digital India, Make in India bad Vocal for Local, ka India ka la plie lad ialade ban long ka ioh ka kot kaba don ha ka kyrdan kaba 3 ha ka pyrthei.
Nailur:
Na ka jingbei tyngka ha ki jingdon jingem katkum ka juk mynta ha kaba ki don ki jingai jingshakri kiba bha bad ki lad ka leit ka wan kiba iar, u bnai Nailur u long kum ka dak jong ki sienjam ba wanrah jingkylla ba ka ri ka la shim ha kine ki shiphew snem ban tei ia ka nongrim kaba khlain na ka bynta ka roi ka par jong ka ri.
Risaw:
U bnai Risawu khot ia ngi ban rakhe ia ka jing thmu ban don ka India kaba koit ba khiah da kaba phaikhmat sha ki sienjam ba la shim ha ka jingplie lad ban ioh jingsumar kaba jemdor lyngba ki Ayushman card, ki Jan Aushadhikendrabad ki AIIMS bad ki district hospital ba thymmai kiba pynkhlain ia ki jingdon jingem ha ki kam kiba iadei bad ka koit ka khiah ha ka ri.
Naiwieng:
Na ka jingsngew sarong shaphang ka deiriti kaba riewspah sha ka jingkyntiew ia ki rukom tynrai bad ka jingpynneh ia ki jingngeit tynrai sha ka jingpynkhlain ia ka jinghiar pateng ka deiriti, ka phang jong u Naiwieng ka dei shapahang ka jingtyngkai ia ki jingngeit tynrai bad ka deiriti ban pynthikna ia ka roi ka par kaba pura.
Nohprah:
Da ka jingngeit ha ka VasudhaivaKutumbakam— kawei ka pyrthei, kawei ka longiing, kawei ka lawei – bad ki sienjam kum ka Mission Life, ka India ka la kyntiew ialade kum ka Vishwa-Mitra, ka paralok jong ka pyrthei.
La saindur ruh ia ka calendar ba kan pynkynmaw man ka sngi ia ka jingieng skhem na ka bynta ka roi ka par bad ka jingkiew shaphrang jong ka ri jong ngi.
Ka ai mynsiemia baroh ban trei da ka jingskhem jingmut, ka jingiatylli bad kawei ka thong, ban kyntu ia baroh ki briew ka India ba kin iaid ha ka lynti sha ka India kaba khlain bad kaba la kiewshaphrang ia baroh.
