Shillong, Naitung 30: Mynta ka sngi u nongbishar ba rangbah ka Meghalaya High Court u Justice S. Vaidyanathan u la pynbam smai ia u lat ka jylla Meghalaya u C. H. Vijayashankar ha Raj Bhavan Shillong.
Ha kane ka sngi la don lang u myntri rangbah ka jylla, ki myntri kabinet ka sorkar jylla, ki heh jong ka sorkar Meghalaya bad kiwei kiwei kiba la shah khot sngewbha ban ia don lang ha kane ka jingpynsmai ia u Lat ba thymmai ka jylla.
U Lat ka jylla haba kren ha ki lat pathai khubor la ong ba u dap da ka jingsngewnguh ia u myntri rangbah duh jong ka Ri India bala thung ia u kum u Lat ka jylla Meghalaya. La ong ba ka thong ka jong u kan long beit na ka bynta ka roi ka par jong ka jylla.
U la ong ba shuwa ban wan sha kane ka jylla u la ioh sngew ia ka jingkhuid ka nongbah Shillong, ka jinglong ba lui lui jong jong ki briew kane ka jylla bad kiba kwah ia ka jingsuk bad khmih lynti kane kan dang iai bteng.
U la ong ba ka jigshah thung ka jong u kum u lat ka jylla, kaba u kwah ba ki briew kin kynmaw ia u ha ka jinglong kum u Lat ba kin kynmaw ia ka jingtrei bha ka jong u na ka bynta kane ka jylla kumba la ong ba ka thung ka jong u ka long ka roi kapar.
La ong ba ka kam kum u Lat ka long kaba khia ban tynrong bad u la ong ba ka kam jong u kan long beit hapoh ka bynta ka jong u kaba u dei ban leh bad u la ong ba u ieit ia ka mariang.
La ong ba ha ka por ba u long MP nyngkong la ia kynduh ia u Purno A Sangma bad mynta haba u wan sha jylla ia kynduh ia u khun jong u u Conrad K Sangma kum u myntri rangbah ka jylla.
