Shillong, Nohprah 14: ka Deputy Commissioner jong ka East Khasi Hills District kala pynmih ia ka jingpynbna ba yn shah tang ia ki bus ba kit briew bad ki kali rit ban iaid na jingkieng Umiam ha Damsait.
Katba ia kiwei ki kali kiba kit jingkit bad kiba heh ba kin bud ia kine ki surok kia la bthah ba kin iaid, ki kali na West bad East Jaintia Hills ki dei ban iaid lyngba ka surok Shillogn Bye pass na Mawryngkeng.
Ki kali kiba wan na West Khasi Hills, Eastern West Khasi Hills bad South West Khasi Hills District kin iaid lyngba ka surok na Pomlakrai sha Mawryngkeng bad na ka Shillong Bye Pass.Kane ka jingbthah kan trei kam noh mardor haduh mynta ka sngi, ong ka kong R M Kurbah.
