Shillong, Risaw 03: Mynta ka sngi u Lat ka jylla Meghalaya u C H Vijayashankar u la pynbam smai ia u nongbishar ba rangbah ka High Court Meghalaya u Chief Justice Indra Prasanna Mukerji ha Raj Bahvan Shillong.
U Chief Justice jong ka High Court Meghalaya u Justice Indra Prasanna Mukerji u la shim ia kane ka jingsmai mynta ka sngi ha dien ba u Chief Justice S. Vaidyanathan u la shong thiat noh kum u nongbishar ka HCM.
Ha kane ka jingpynbam smai ia u Chief Justice jong ka High Court Meghalaya la don lang ki heh ka sorkar jylla ban sahilang ia kane ka sngi ba u Chief Justice ba thymmai ka jylla u la shim ia kane ka jingbam smai.
U Chief Justice Indra Prasanna Mukerji u dei u nongbishar ba rangbah u ba khatlai naduh bala ioh iaka High Court Meghalaya ha u snem 2013, ha kane ka sngi la don lang ki heh sorkar jylla ban ia sakhi lang ka jingbam smai u nongbishar rangbah.
