Shillong, Risaw 30: Ka Deputy Commissioner jong ka East Khasi Hills District ka kong Isawanlada Laloo mynta ka sngi kala pynmih ia ka jingpynbna ba la shah ban plie ia ki dukan ha ka sngi u blei da kaba but ryntih ia ki kyndon jong ka COVID-19.
Ha kane ka jingpynbna kaba la pynmih mynta ka sngi la shah ban plie ia ki dukan ha ki jaka da ka jingiatreilang ki Incident Commander bad ki Town Wending Committee lah ban plie tang ba hap ban bud ia ki kyndon jong ka COVID-19.
Ka jingplie ia ki dukan die jingdie kan long naduh ka por 9.00 baje mynstep haduh ka por 9.00 baje mynmeit bad baroh ki dukan kidei ban but ryntih ia ki kyndon kiba la buh hapoh ki kyndon jong ka COVID-19.
