Shillong, Nailar 22: Naka daw jong ka jinglap ia kiba shitom COVID-19 positive hapoh Lawsohtun Block-II bad ka jingdon jong ki briew kiba ia jan bad kiba shitom, kumta don kam ban wat ia kiba don jingiajan bad ban sumar ia ki na ka bynta ka jingbit jingbiang jong ki paidbah bad ban ia da na ka jingsaphriang kane ka jingpang ka District Magistrate jong ka East Khasi Hills District kala sngew dei ban pynbna ia kine ki jaka kum ki Containment Area.
Hapoh Lawsohtun Block-II la pynbna kum ka Micro Containment Area ia ka iing jong ka kong Berina Shabong ha Lumpdeng, kumta la maham ia ki briew ba kin ia rung ia mih lait noh tang ia ki nongtrei ka tnad ka koit ka khiah.
Ha Lower Mawpren namar ba u don ka jingia jan bad u ba shitom COVID, la pynbna ba ia ka Rana Compound bad Md. Salim Compund ha Lower Mawprem kum ka Containment Area ha kine ki jaka ka khang ban don kano kano ka jingiarung ia mih ne ka jinglum briew.
Katba ha Laban namar ka jingdon jong u ba shitom COVID-19 Positive kaba don ha Amjad Ali Road, Laban ban wat ia kiba don jingiadei ba jan bad u ba shitom ia ka iing jong ka kog B Dkhar kaba don ha katei ka jaka la pynbna kum ka Micro Containment area.
Kane ka jingmaham kan la pynlait ia ki nongtrei jong ka Shillong Municipal, ki Lat pahaikhubor, kiba leit ban sam ia ki tyndong Gas. Lada don kiba pynkhein ia kine ki kyndon kin shah pynshitom katkum ka ain Disaster Management Act, 2005 bad hapoh ki kyndon jong ka IPC I.P.C.
