Shillong, Naiwieng 24: U bah Prestone Tynsong State President jong k party NPP ha Meghalaya u la pynbna ia ka Dr. Ampareen Lyngdoh kum ka kyrtong MP na ka 1-Shillong Parliamentary Seat bad na ka 2-Tura Parliamentary Seat la pynbna ia ka kyrteng jong ka Agatha K Sangma kaba dei ka MP na katei ka jaka.
Haba pynbna ia ka kyrteng jong ki tei ki kyrtong baroh ar ngut na ka liang jong u bah Prestone u la kren shai ba ia ka kyrteng jong kine ki ar ngut la ioh ia ka jingmynjur na u National President jong ka seng u Conrad K Sangma.
U Bah Prestone la ong ba ka jingpynbna noh ia kine ki kyrteng ka long ba ki paidbah kin dup tip noh ia ki kyrtong jong ka NPP ki ban ia khun ia ka MP bad kumba kala paw na kane ka MLA elekshon kaba la dep ka NPP kala jop bun eh ki MLA.
Da kane ka jingpynbna noh ka NPP ia ki kyrtong kala pynkut noh ia baroh ki jingia tharai mano ban long kyrtong na kane ka party khamtam na ka bynta ka 1-Shillong Parliamentary Konstitwensi kaba la paw bun ki kyrteng kiba kwah ban ia khun MP na kane ka party.
