Shillong, Nohprah 31: U Ramkumar S u Secretary ka sorkar Meghalaya u la pynmih ia ka jingpynbna ba u Lat ka jylla la pynbna ba ka jingshah puh besein kum ka jingpang namar ka ktah ia ka koit ka khiah jong ki paidbah nongshong shnong.
Kumta la pynbna ia ka jingshah puh besein kum ka jingpang ha baroh kawei ka jylla bad kane ka buh ha ka jingma ia ka koit ka khiah jong ki briew khamtam ha ki nongkyndong bad ha ki jaka ba khamlong khlaw ha ki nongkyndong.
Ka jingpyntip ia ka jingshah pub besein kan iarap ban ioh ia ka jingkhien kaba bniah, kan iarap ban dup lah ban mang ia ka jingiarap ha kaba pynbiang ia ki dawai ban iada na ka bih jong u besein,kan iada na ka jingiap,ia kane hap ban bud ryntih da baroh ki jaka ai jingsumar jong ka sorkar bad jong ki riew shimet.
Lada don ka jingshah puh besein dei ban pyntip sha ki ophis jong ki DMHO hapoh 24 kynta bad ban pyndap ha ki phom kuma la pynbna, dei ban buh bha ia ka jingkhien ia ki jingshah puh besein bad ia ka kaiphot dei ban phah ha ka porba kaba biang.
Baroh ki jaka sumar jong ka sorkar bad jong ki riew shimet ki dei ban bud ryntih ia kane ka jingpynbna sorkar, lada don kiba pynkhien kin shah pynshitom ha ki kyndon ain, kiba la don kiba ia dei bad kane ka phang.
