New Delhi, Nailar 16: U Myntri Rangbah Duh, u Narendra Modi, ha ka jingai jingkren jong u ha ka lyngkhuh sngi ioh jinglaitluidna Red Fort u la ong ba ka Sorkar ka la pynbiang T. 10 lak klur kum ka subsidy na ka bynta u urea sha ki nongrep.
U la ong, “Ban pynbiang ia u urea uba shongdor haduh T. 3000 shi borni ha kylleng ka pyrthei, ha ka dor kaba tang T. 300 shi borni ia ki nongrep, ka Sorkar ka la pynbiang T. 10 lak klur kum ka subsidy na ka bynta u urea.”
U Myntri Rangbah Duh u lapynbna sha ka ri na Red Fort ba ki borni urea kiba die ha ka dor T. 3000 ha ki iew ha kylleng ka pyrthei ki dei kiba ai sha ki nongrep jong ka ri ha ka dor ka bym tam ia ka T. 300.
“Ki borni urea ki dei kiba die ha ka dor T. 3000 ha ki iew bapher bapher ha kylleng ka pyrthei, mynta, ka Sorkar ka pynbiang ia kane sha ki nongrep jong ka ri ha ka dor T. 300 shi borni bad kumta ka Sorkar ka ai ka subsidy kaba T. 10 lak klur sha ki nongrep na ka bynta u urea.”
