Maligaon, Jymmang 15: Namar ka jingjur jong u slap ha kine ki ar sngi kala wanrah ia ka jingtwa khyndew ha bun ki jaka jong ka thain shatei Lamih ngi jong ka Ri India, ha kaba bun na ki Railway Station kum ka Lumding-Badarpur kila shah lynshop ha ka jignpynjulor ka mariang.
Ha kane ka jingtwa khyndew ar tylli ki rel kila sah kut, kawei kaba mih na Silchar sha u Guwahati kala sah kut ha New Halflong bad kawei ka rel kaba la sah kut dei na Silchar sha Guwahati ha Ditokcherra station, ki nongleit nongwan kiba sah kut baroh ki don 1400 ngut.
Na ka liang jong ka N.F Railway kala pyndon kam ia ki brie wjong ka NDRF, ki shipai jong ka Assam Rifle bad ki Air force ban pynlait ia ki paidbah kiba sah kut ha kitei ki ar tylli ki Railwau Station ryngkat ka jingiatreilang ki trai shnong.
Ha ka rail kaba don ia u number 15616 ki nongshong rel ki don 1245 ngut bad na kine la hap ban kit da ka helicopter kumba 119 ngut da ki shipai suin sha Silchar, ha kawei pat ka rel ki nongleit nongwan ki don 204 ngut kine ki la mih ban leit sha Guwahati lyngba ka Maibang.
Ki nongtrei jong ka tnad railway kila pyndon kam ia baroh ki bor ki buid jong ki ban ialeh ban pynlait ia ki briew kiba sah kut ryngkat ka jingiatreilang jong kiba bun kiba la wan ban ia rap ha kane ka jingshah ktah ha ka mariang.
