Shillong, Kyllalyngkot 26: U Lat ka jylla u C.H. Vijayashankar, mynta ka sngi u la long u kongsan ha kaba rakhe ia ka 76th Republic Day ha Shillong ha kaba u la pynher ia ka lama jong ka Ri India ha Madan Polo bad shim ia ka jingleh burom ia ka jinglehburom ia la lama jong ka ri.
Ha kane ka sngi la don lang da baroh ki kynhun bapher bapher ha kaba kila pyninam ia ki riti dustur kiba don ha kane ka ri kaba khraw kyrpang jong kane ka jylla Meghalaya ha kane ka jingleh burom ia ka sngi kaba Ri India kala ioh ia ka riti synshar.
Ha kane ka sngi u Lat ka jylla u la ai khublei ia ki paidbah ka jylla Meghalaya bad u khot u wer ia ki paidbah nongshong shnong ban bat ia ka synshar paidbah, ka jingiatylli bad ka rai ka par bad ban jur ba ka jylla Meghalaya kan long kawei ban pynneh pynsah ia ka jingiatylli ka ri.
Ha kane ka sngi u Lat ka jylla u la pynher ruh ia ka Lama jong ka Ri India ha iing sah ka jong u ha Raj Bhavan Shillong ha kaba la don lang ki heh sorkar bad ki paidbah nongshong shnong na kiba bun ki kynhun kiba dei na la ki jong ki jong ki kam.
Kane ka sngi ka dei ka burom jong ka ri bad la ban jur ban pynneh ia ka jingiatylli kawei, ban don ka jingshong suk ban teh song kawei ia ka Ri bad ki kum ki paidbah nongshong shnong a Ri India.
Ha kane ka sngi u Lat ka jylla u la sam ruh ia ki khusnam sha ki nongjop kiba la wan ban ia shim bynta ha ka jingpyninam ia ki syntiew ha Raj Bhavan Shillong kaba la long ar sngi lynter, kala don ruh ka jingpyninam ia shad tynrai ha kaba u Lat ka jylla u la ai khuble kyrpang ia kiba la wan ban ia shim bynta.
