New Delhi, Iaiong 25: Ka Central Board of Direct Taxes (CBDT), ka la pyllait ia ka Circular No. 07/2024 ha ka 25.04.2024 ha kaba ka la pynjlan shuh shuh ia ka tarik ba khatduh ban phah ia ka Form 10A/ Form 10AB hapoh ka Income-tax Act, 1961 (ka ‘Act’) haduh ka 30 tarik u Jylliew, 2024.
Hashuwa kane, ka CBDT ka la pynjlan ia ka tarik ba khatduh ban phah ia ka Form 10A/ Form 10AB da ki trust, ki kynhun treikam bad ki fund la bun sien ban pynduna ia ki jingeh ba ki nongsiew khajna ki iakynduh. Ka jingpynjlan kaba khatduh ka la wan lyngba ka Circular No. 06/2023 ha kaba la pynjlania kane ka tarik sha ka 30.09.2023.
Namar ki jingkyrpad ba la ioh pdiang da ka CBDT kiba la kyrpad ban pynjlan shuh shuh ia ka tarik ba khatduh ban phah ia kine ki Form palat ia ka tarik khatduh kaba la buh kaba long ha ka 30.09.2023, bad khnang ban kiar na ki jingjynjar ia ki nongsiew khajna.
Ka CBDT ka la pynjlan ia ka tarik ba khatduh ban phahia ka Form 10A/ Form 10AB haduh ka 30 tarik u Jylliew, ha kaba iadei bad ki bynta jong ka section 10(23C)/ section 12A/ section 80G/ bad section 35 jong kane ka Act.
Ka CBDT ka la pynshai ruh ba lada don ki trust, ki kynhun treikam ne ki fund ki bym phah ia ka Form 10A na ka bynta u AY 2022-23 hapoh kane ka tarik ba la pynjlan, bad kiba la pan jingbit kum ka kynhun thymmai bad kiba la ioh ia ka Form 10AC.
Ki don ka lad ban pynphai noh ia ka Form 10AC bad pan jingithuh na ka bynta u AY 2022-23 kum ka trust, ka kynhun treikam ne ka fund kaba la don lypa ha ka Form 10A haduh ka 30 tarik u Jylliew, 2024.
Kine ki jingpan jingbit katkum ka Form 10A/ Form 10AB ki dei ban wan lyngba ki lad digital lyngba ka rynsan e-filing jong ka Tnat Income Tax. Ia ka Circular No. 07/2024 lah ban ioh na ka www.incometaxindia.gov.in
