Shillong, Nailar 14: Mynta ka sngi u u bah Paul Lyngdoh myntri ka sorkar jylla b dei peit ia ka tnad Social Welafe bad kam shangsuwari u la pyntip ba ka tnad social welfare ka sorkar jylla ka la pynkhlaiñ bad kham pynbha ia ka rukom treikam u help line number.
U bah Paul Lyngdoh u la ong mynta ka tnad social welfare ka sorkar jylla ka la plie sa 14 tylli ki kam ba thymmai ban pynkhlaiñ ia ka jingtreikam jong ka. U la iathuh ruh ba Kine ki kam ba thymmai ba la ioh ia ka jingmynjur ki kynthup u wei u IT supervisor, 10 ngut ki ban pdiang ia ki phonel, u wei uban pyndon kam bun ki kam bad ar ngut ki nongap pahara.
Ka Childs Line Number ka dei 1098. U la batai pynshai ruh ia ka jingmut jong ka child line da ka ba u la ong ka child help line number ka dei ka number ba ki khynnah, ki lah ban phone lane pyntip ban pan jingiarap la ha kano kano ka por ba ki donkam jingiarap na ka bynta kino kino ki jingeh lane kaba ki shem jingshitom bad ban ai jingiarap ia ki.
Ha kajuh ka por u bah Paul Lyngdoh u la pynbna ruh ia u number 181 u ba dei u number ba ai jingïarap na ka bynta ki kynthei ha kino kino ki por ba ki mat jingeh.
U bah Paul Lyngdoh u la iathuh ba kane ka jingpyniar ka sorkar ia kane ka tnad trei kam ka dei hadien ba ka tnad social welfare lyngba ka juvenile of justice care act 2015 ka la pyntreikam ia ka Childs helpline services hapoh ka vatsalya scheme ha u snem 2019.
