Shillong, Jylliew 22: Ka HYC Mawsynram Circle kala pynkha sa kawei ka shnat trei kam jong ka hapoh ka Hima Malai Sohmat. Ha kane ka sngi u bah Johny Stone Nongbet u la shah jied kum u president katei ka thain, bah Banrap Lyngkhoi kum u Vce Presdient bad u bah Nobleman Iawrod kum u General Secretary.
Ia ki nongkit kam jong ka HYC Hima Malai Sohmat la pynskhem da u Education Secretary jong ka seng kmie u Bah Enlang Sawian ha ka jingiadon ryngkat ka Women Wing jong ka seng ha kane ka shnat kaba thymmai.
Ha kane ka sngi bala seng ia kane ka shnat trei kam kaba thymmai jong ka HYC la don lang u bah Morgan J Lyngdoh dkhot ka seng kmie ka seng, u ba dei ruh u General Secretary ka seng hapoh ka thain Mawsynram, u Bah Bras Dewsaw Acting Syiem jong ka Hima.
Kiwei ki nongkit kam jong katei ka shnat jong ka HYC hapoh ka Hima Malai Sohmat nalor u President Vice President bad General Secretary la jied ruh sa phra ngut kiwei dei ki nongkit kam.
Ha kane ka sngi la seng ruh ia ka Women Wing ha kaba la jied ia ka kong Jingle Queen Buam kum ka President, kong Lasuk Ronsang kum ka Vice President, ka kong Sanita Rapthap kum ka General Secretary bad lai ngut kiwei de ki nongkit kam ka seng.
Ha ka jingkren u Education Secretary jong ka seng kmie u Bah Enlang Sawian la pynsngew ba ka jingthmu jong ka seng ka long ban shakri ia ka dong ka thain jylla bad ia ka jaidbynriew.
Ia ka jingialang la pyniad da u bah Wankitboklang Syiemlieh Assistant general secretary ka thain Mawsynram bad ia ka jingduwai la ai da ka kong Ency Iawrod ba dei organising secretary ka Unit, la ong u Bah Wankitboklang ha ka kyrwoh kaba la phah mynta ka sngi.
