Shillong, Naiwieng 08: Khnang ban skhem ka jinglong trai jong ki paidbah ba shobng bas ah ha khappud bad ka jylla Assam halor ka khyndew ka shyiap na ka liang jong ka KHADC mynta ka dang pynkhreh naka bynta ban register ei ia ki briew kiba don jaka ha ki khappud.
U bah paul Lyngdoh u wei na ki nongialam jong ka party UDP u ba dei ruh u EM hapoh jong ka KHADC u la ong ba ka KHADC kala pynkhreh mynta ban register ei iaki jaka jong ki paidbah ka jylla Meghalaya kiba don jaka ha khappud bad ka jylla Assam kane ka long ban pynskhem ia ka jinglong trai ka jong ki halor ka jaka.
Kumba ka long mynta na ka liang jong ka jylla Assam ka trei bor bah ban register ia ki briew kiba don jaka ha khappud. Na ka liang jong ka KHADC ka iohi ban pynskhem ia ka jaka ba kihap hapoh jong ka jylla Meghalaya, kaba don kam ka long ban register ia ki jaka puta ha kaba kin register ei.
Na ka liang jong ka KHADC mynta ka dang ialeh ban pynkhlain shuh shuh ia ki nongtrei na ka bynta ban pyniaid ia ka kam, kumba ka long mynta plie ia ka shnat trei kam jong ka KHADC ha raid Marwet na ka bynta ban pynsuk ia ki briew ha kaba ia dei bad ka jingdon kam ka jong ki.
Na ka liang jong ka KHADC ka sngewthuh ia ki jingeh jong ki paidbah ban wan sha duh Shillong na ka bynta ki kam ka jong ki, na ka liang jong ka KHADC kan ia leh katba lah ban pynjan ia ki jingtrei kam shi ki paidbah.
