Shillong, Nialat 16: Ki pulit jong ka jylla mynta ka sngi kila ioh ban kem ia 7 ngut ki briew na kylleng ki bynta jong ka Khasi bad Jaintia Hills District ia ki briew kaba kila suba baki thmu bans eng ia ka seng lehnoh ‘National Lebertion Council Nongkyndong’ .
Katkum ka kyrwoh kaba la phah da ka tand pulit mynta ka sngi kila ia thuh ha dien ba kila ioh ia ka jingtip ba ki don ki briew kiba la thmu bans eng ia ka seng lehnoh ban ia leh pyrshah ia ka Ri India, ban leh ia ki kam pyntriem,ha ki bynta jong ka Khasi Hills bad Jaintia Hills.
Ka jingthmu jong ki ka long ban thied ia ki tiar ialeh, ban dawa pisa bad ban phah ia ki dkhot ban shah hikai ha ki kam pyntriem ia ka kynhun kaba nongkynong sha ka jylla Nagaland, ka jingthmu ka long ban phah la shai ka sngi ia ka kynhun kaba nyngkong, hynrei la ioh kem noh ki puit ia ki nongialam.
Ia kine ki 7 ngut la ioh kem mynta ka sngi na ki bynta bapher bapher jong ki lum khasi jaintia bad u wei ba dang khynnah la ioh ban kem na Khasi Hills ia kine la register ia ka ejahar pyrshah iaki ha ki kam sniew jong ka Indian Penal Code bad ki kam beain.
Kiba la shah kem ki kynthup ia u ba dang khynnah bala kam ba dei u Chairman ka seng, u nongialam Commander-In-Chief, u General Secretary, u Area Commander ka West Khasi Hills District, Area Commander ka Jaintia Hills bad lai ngut kiba dang shu pynrung dkhot sha ka NLCN.
Na ka liang jong ki pulit kila pynlong ia ki jingkynra ia ki jaka ba don kitei ki dkhot ka seng NLCN bad na ki jaka sah jong ki la ioh kurup ki mobile phone, kiwei kiwei ki kot ki sla kiba don kam, ka jingthohkit ban thwet ia kiwei ki nongialam ka dang iaid sha khmat.
