Shillong, Nohprah 17: Ka sorkar pdeng mynta kala pynkhreh ban pynduh noh ia kito ki Aadhaar kard kiba la dep ban ai sha ki briew hynrei ki khlem pyndon kam pat ia ki la ka long ha kano kano ka bynta ban don ka jingpyniasoh bad kino kino ki kshim jong ka sorkar.
Ka sorkar pdeng kala bthah ia baroh ba kino kino kiba ioh ki skhim jong ka sorkar pdeng dei ban pyniasoh ia bad u Aadhaar, la ka dei ha ka kam trei bylla 100 sngi, ban ioh khaw Ration, ban ioh baibam tymmen, ban ioh iing ba duk PMAY, ban ioh jngbam na ki Akanwadi bad kiwei kiwei don kam ban pyniasoh bad ka Aadhaar kard.
Kumba ka long mynta ka sorkar pdeng ka shem ba bun buh ki briew ha kane Ri India kila ioh ia ka Aadhaar kard hynrei ki khlem pyndonkam ia ka Aadhaar kard ha kano kano ka bynta, ia kum kita ki Aadhaar kard ka sorkar pdeng kala pynkhreh mynta ban pynduh noh.
Haba kren ha u SP News Agency ka Deputy Commissioner ka East Khasi Hills District ka kong R M Kutbah kala ong ba kala don ka jingpynsngew na ka sorkar pdeng ba mynta kala don ka jingpynkhreh ban pynduhnoh ia kito ki Aadhaar kard kiba khlem pyndon kam.
Ha ka juh ka por ka Deputy Commissioner jong ka East Khasi Hills District ka kyntu ia baroh kito kiba la don ia ka Aadhaar Kard ba kin pynioh bad kano kano ka skhim jong ka sorkar pdeng ba kin ioh ia ki jingmyntoi, khamatam ban ioh ia ki jingbam na ka bynta ki khynnah ha ki shnogn bapher bapher bad bad kiwei kiwei kiwei ki jingmyntoi.
